板長壽司 (已結業)

入馬鞍山搵舊同事聚會，係仲諗緊食咩嘅時候，舊同事同佢老公已經買好左嘢食😂真係好細心，所以我哋買埋嘢飲就上咗去同事屋企。佢哋今次買咗板長嘅外賣，兩大盒份量非常多，仲要每人買多一條手卷，四個人食都食唔晒。不過認真黎講，外賣嘅質素的確冇堂食嘅咁高，但味道都係非常唔錯嘅，三文魚同埋甜蝦都夠新鮮，特別推介佢嘅蟹子軍艦，同埋溫馨提示下大家，如果食佢嘅芥末八爪魚軍艦，絕對唔需要再點芥末豉油，如果唔係就會太鹹同太辣。🎈吞拿魚手卷我哋每人都有一個手卷，而我就揀咗吞拿魚嘅，吞拿魚手卷裏面除咗吞拿魚之外，仲有啲蔥，不過飯嘅比例就比較多，如果吞拿魚可以再多少少會好啲。整體來講，板長外賣都係一個味道唔錯，又方便嘅外賣之選。