醉標無骨海南雞

營業中

休息中

收工黎到觀塘，買個外賣回家食，見到有間海南雞就食下。menu 都幾方便易明，揀左冇骨海南雞飯配油飯同埋麻辣豬手飯。飯餐都有跟送椰子雞湯 或者花茶，咁我就揀左椰子雞湯。先講冇骨海南雞飯配油飯，佢雞好滑，都幾多雞肉，飯既份量都多，油飯幾香，但唔係好肥膩，最正係佢跟配既海南雞醬好開胃同好夾個雞，好好送飯。另一個麻辣豬手飯，有麻香味既，但唔係話好辣，所以一般人都食到，仲有豬手同飯都係好多份量，絕對抵食。佢既椰子雞湯一打開係勁香椰味，清清地都幾好味，拎到番屋企仲好熱，食完飯飲碗湯都好爽。總括黎講，食飯又冇取巧，又方便，唔想煮飯既可以買盒當晚餐就岩哂。見到飲品櫃，見到佢既牛奶燉雪燕，$20就試試佢，唔係話好甜，都有雪燕係底，正正常常。