影片
更多
2021-09-05
16 瀏覽
網上見到Baby Satay一口沙嗲有串燒外賣食，貪得意買咗四盒（12串一盒）返屋企玩下。其實都好方便，去佢西環自取店拎，好快就有得食lu。好似買滿10盒仲可以免運費送上屋櫃，可惜雪櫃唔夠大啦。尤其是而家疫情，出去食串燒都唔太放心；自己整又有另一番風味同趣味。今次買咗四包各12串的串燒，同埋個迷你電子爐，有埋醬汁好抵玩呀！就算返到屋企，煮食嘅方法都有好多種類，說明都非常清晰。無論用煎pan煎，用焗爐焗，或者用佢個電烤爐都好簡單。四款之中最鍾意燒雞串。尤其係自己燒，可以燒到有啲微焦嘅效果。雞肉好夠滑嫩juicy，淨係燒緊嘅時候，都聽到卜嗞卜嗞嘅聲音。燒豬都唔錯，平均都係燒八分鐘左右就食得。豬肉感覺扎實，但唔鞋口，同樣keep到肉汁，食落有肉味。牛肉都okay架，但相對而言冇雞同豬咁惹味，就係食牛肉囉。其實佢啲醃汁本身都好惹味。四款都是一樣的，用嚟送飯或者就咁食都好香。可能我冇咁鍾意食羊啦，相對比較遜色，同埋鞋身啲。騷味就唔係好重嘅。好鍾意佢個沙嗲醬，有好多花生粗粒。質地相對稠，但係幾香嘅。另一款應該係佢自家製醬汁。有花生原粒、菜脯碎、蝦米乾、紅蔥頭等香料，淨係咁講已經知有幾香啦。不過如果
今次買咗四包各12串的串燒，同埋個迷你電子爐，有埋醬汁好抵玩呀！就算返到屋企，煮食嘅方法都有好多種類，說明都非常清晰。無論用煎pan煎，用焗爐焗，或者用佢個電烤爐都好簡單。
四款之中最鍾意燒雞串。尤其係自己燒，可以燒到有啲微焦嘅效果。雞肉好夠滑嫩juicy，淨係燒緊嘅時候，都聽到卜嗞卜嗞嘅聲音。
燒豬都唔錯，平均都係燒八分鐘左右就食得。豬肉感覺扎實，但唔鞋口，同樣keep到肉汁，食落有肉味。
牛肉都okay架，但相對而言冇雞同豬咁惹味，就係食牛肉囉。其實佢啲醃汁本身都好惹味。四款都是一樣的，用嚟送飯或者就咁食都好香。
可能我冇咁鍾意食羊啦，相對比較遜色，同埋鞋身啲。騷味就唔係好重嘅。
好鍾意佢個沙嗲醬，有好多花生粗粒。質地相對稠，但係幾香嘅。
另一款應該係佢自家製醬汁。有花生原粒、菜脯碎、蝦米乾、紅蔥頭等香料，淨係咁講已經知有幾香啦。不過如果話配串燒嚟講，都係沙爹醬夾啲。因為外賣買返屋企，所以有彈性。個醬我用咗嚟炒瓜呀，就超香超惹味啦😆😆
另外仲烚咗啲菜，買咗支涼茶，洗定啲生菜做生菜包。嘩食落再fresh啲，直頭想買啲啤酒呀！
所以整體感覺，覺得又好玩，又方便，又實用。燒烤嗰時都唔會好大煙，喺廚房燒都方便，咁就可以繼續買多幾包來refill啦~
張貼
