漁樂 (天澤商場)

營業中

休息中

近期發現越來越多屋村商場都有漁樂呢一間茶餐廳。味道尚算唔錯，都已經幫襯咗幾次試過佢嘅早餐試過佢嘅午餐搵一次機會試吓晚餐先。今次去到幫襯選擇咗香茅豬扒肉丸冬陰功金邊粉。冬陰功金邊粉湯汁略嫌少咗啲，因為食到一半嘅時候金邊粉已經吸晒啲湯變得比較腍，香茅豬扒都唔錯。反而俗願食落去有驚喜肉味幾濃郁爽口彈牙唔錯唔錯。見到炸薯條可以加配套餐，咁就多口叫嚟食吓啦。發現都幾唔錯，食落去甜甜地。最重要係呢度嘅凍檸茶係用檸檬汁冷壓萃取呢一個啱晒我杯茶。我最鍾意飲。方便快捷亦都係比較質素穩定嘅一間餐廳。