陳家菜 @Freshlane (樂基商業中心) (已結業)

諗日去開西營盤，見到網上面話附近有個叫Freshlane嘅地方可以order好多唔同餐廳嘅外賣，咁啱呢排OT又好攰想早啲返屋企休息🥱，就快快手簡咗間食中菜試吓。Freshlane嘅位置西營盤地鐵站大約2分鐘⏰，而入口記得要喺商業大廈旁邊嘅樓梯行上去（搭lift嘅話會去咗後門）。我哋今次揀咗Freshlane 入面嘅陳家菜，佢嘅原因係因為可以早啲去whatsapp落單，一去到就即刻有得攞📱，非常之方便。佢亦都有好多選擇，有小食，滷水，主菜等等。我哋諗住自己返屋企再煮個菜，所以淨係order咗一個餸加兩個白飯。有選擇困難嘅我最後揀咗秘製啫啫雞煲（$148）🐥，佢個雞嘅份量都唔少（半隻雞），拎上手都好重吓，熱辣辣，拎到返屋企都仲暖暖地😆 個汁唔會太鹹，又唔會太油，撈飯一流，而啲雞嘅肉質都唔會好鞋，仲幾入味添😋 兩個人食一個餸再煮碟菜已經好夠飽。下次想加餸都可以黎呢度，試埋其他嘢😊