唐包點

營業中

休息中

呢晚冇買餸男朋友先話返屋企食，唯有叫佢去唐包點買啲點心嚟加餸，順便買多幾個包做早餐😝。燒賣、雞扎、腐皮卷都係我嘅最愛🤩。最鍾意雞扎入面有大大嚿炸芋頭。每樣點心都足料入味，同埋平過酒樓好多呀。最緊要唔使自己煮，夠晒方便🤣。我都好鍾意食佢哋啲包架，貪佢哋素食嘅選擇好多，而且又夠飽，成朝早都唔會餓啊。第一次食唐記奶皇包，發現冇想像中咁甜，有驚喜呀。不過以甜包來講我最鍾意都係香芋包，啖啖芋茸，健康得來好滿足。