波仔

營業中

休息中

日日係屋企食足三餐，真係煮到唔知煮乜好，洗碗都洗到手爛，仲要照顧埋屋企大細既口味，真係好想懶下，抖抖。先排又出去坑口補給，經開連理街間波仔就買幾盒返屋企，想食既時候一叮就食得，又唔駛煮又唔駛洗，真係方便快捷。買左粟米肉粒飯，鮮茄牛肉醬意粉同埋麻辣牛腩湯米粉。粟米肉粒飯就係小朋友食，同平時出邊既快餐店味道一樣，價錢同時間又快又平一半。鮮茄牛肉醬意粉就係我食，我就覺得同出邊大XX差唔多，酸酸尾尾好開胃。仲有個麻辣牛腩湯米粉，鐘意食麻辣就應該唔夠喉，因為佢超級bb麻辣，連我唔係好食得辣都食到。