齊齊素 (已結業)

喺九龍灣得寶商場，都幾方便，星期六差唔多下午1點到，唔洗等位可以即時入座，但都好full，一點開始要等位，但都只係等一陣。食物款色都幾多，質素都okay，只係比較普通嘅菜色，中菜為主，有湯，沙律同簡單甜品。比較特別嘅係炸饅頭配椰奶，好貼心呀，用椰奶代替煉奶☺️☺️另外飲品都幾好，凍飲有山楂烏梅汁，蝶豆花茶，兩款都好好飲，熱飲有玄米茶同夏枯草。唯一不足係坐得有啲迫同坐喺攞嘢食隔離，不斷有人喺後面岀岀入入。