御藏 (已結業)

今日得一個人食中午飯，係砲台山呢一頭都唔知食乜好，嚟嚟去去都係食茶餐廳，中式蒸飯或粉面或者係西餐，食來食去都係果d，今日所以行遠少少，諗住搵啲特別啲嘅嘢食下。行到去國都廣場，見到一間日式外賣店，好奇之後入去睇下，初頭以為呢間“御藏“只係買啲外賣壽司，但係再行入啲見到有好多唔同種類嘅嘢 ，包括有以下飯類:1)刺身飯2)牛肉飯或其他3）日式滑蛋飯蛋包飯4）咖哩飯飯5）意大利鮮茄飯除此之外佢仲有個專櫃專擺放三文魚刺身及壽司。佢嘅外賣套餐都好抵食，每款約$50至$60蚊到就可以食到一盒飯連埋一個普通飲品。 呢一次我就點咗個豬軟骨炒飯，呢個豬軟骨炒飯用一個黑色膠盒載，住攞到返公司嘅時候仲係熱嘅，一打開個盒蓋，就聞到好香，留意到佢哋咪係囉日式珍珠米嚟做，炒飯嘅時候再加獨特的醬料，非常好味。除此之外，佢的配料都好足，有紅蘿蔔，椰菜，西蘭花，翠玉瓜，炒起上嚟非常好味，另外豬軟骨亦都好有咬口。 臨走之前仲攞咗個外賣單睇，等公司d同事可以起叫外賣，因為佢$150蚊就可以送貨。