三盞燈茶座 (已搬遷) 新店位置

今日，我決定扮去旅行，我扮去威尼斯。香港島出發前往威尼斯大約需要兩個鐘頭。行到攰，決定在大運河旁找個風景優美的地方看河景同日落。排屋咖啡室有好幾家，三盞燈好像比較大，搵到位嘅機會好似比較高。今日雖然唔係公眾假期亦都唔係週末，但疫情之下冇得去外遊，本土旅遊就成為左最好嘅代替品。講返三盞燈，佢哋話佢哋唔係一間餐廳，只係朋友相聚嘅地方，我哋唔係俾錢食飯，只係分擔食物成本... 明一坐低，主人家就請我哋品茶，再慢慢諗吓想食乜，睇吓風景，唔會催你落單，更加唔會催你還枱。平時外出食飯，所有餐具總會一式一樣，但呢度嘅茶杯每一隻都唔同，當佢放低一盤茶杯，大家就會根據自己嘅喜好選擇自己喜歡嘅杯，就好似細個嘅時候爭玩具咁，攞到自己覺得漂亮嗰隻杯，唔知點解就會好開心。呢個脆香炸魚餅都好有大澳風味。忍唔住食完又食。近鏡再比多你望清楚啲Tiramisu， 朋友叫嘅，我食咗一啖。都唔錯，芝士真係用mascarpone，唔係用cream cheese代替。我唔記得咗影佢個杯推介嘅鮮檸蜜。