影片
更多
2023-01-04
151 瀏覽
放工約咗朋友食飯，今次嚟到以旅行為主題嘅火鍋店，環境非常有特色同有心思。火鍋湯底同配料都有多種選擇，另外更有其他嘅特色小食，當日仲要有八折優惠，聽店員講暫時都仲有呢個優惠。點完餐，店員就會提供醬料架，俾客人自由選擇自己鍾意嘅醬料日本櫻花蝦沙嗲鍋湯底一黎到就聞到陣陣既沙嗲香味，花生味道濃郁，仲有好多櫻花蝦，幾足料。南非新鮮鮑魚每位送一隻鮑魚，大大隻，黎到仲識郁，店員教淥5-6分鐘，時間岩岩好，口感爽口得黎夠淋，而且鮮味。本地手切靚牛皇(細)份量都多，唔會覺得細份，色澤幾靚，有雪花，薄薄一塊食落口感好滑，牛味幾出。松板玫瑰豚擺到玫瑰花形狀，好靚好有心思。口感似豬頸肉咁爽口，豬味濃。深海花枝片厚薄適中，爽脆帶鮮甜味。日本北海道鮮帶子份量都幾多，鮮甜滑嫩羊肚菌墨魚丸係冬甩形狀幾得意，墨魚丸爽彈，配羊肚菌味道更加鮮美。XO醬鮑魚鮮蝦餃(半份4隻)餃子皮係比較厚身嗰隻，餃子餡料飽滿，鮑魚同蝦口感爽口，配XO醬又幾夾，幾惹味。鮮蟹肉帶子餃(半份4隻)食到一梳梳嘅蟹肉，好鮮甜。手工三色麵沙嗲同麵係絕配，口感煙韌有咬口，吸收晒成個湯底嘅精華。百花釀油條食法就好似響鈴咁，淥幾秒就得，脆得黎有嚼勁，索哂d沙
放工約咗朋友食飯，今次嚟到以旅行為主題嘅火鍋店，環境非常有特色同有心思。
火鍋湯底同配料都有多種選擇，另外更有其他嘅特色小食，當日仲要有八折優惠，聽店員講暫時都仲有呢個優惠。
點完餐，店員就會提供醬料架，俾客人自由選擇自己鍾意嘅醬料
日本櫻花蝦沙嗲鍋
湯底一黎到就聞到陣陣既沙嗲香味，花生味道濃郁，仲有好多櫻花蝦，幾足料。
南非新鮮鮑魚
每位送一隻鮑魚，大大隻，黎到仲識郁，店員教淥5-6分鐘，時間岩岩好，口感爽口得黎夠淋，而且鮮味。
本地手切靚牛皇(細)
份量都多，唔會覺得細份，色澤幾靚，有雪花，薄薄一塊食落口感好滑，牛味幾出。
松板玫瑰豚
擺到玫瑰花形狀，好靚好有心思。口感似豬頸肉咁爽口，豬味濃。
深海花枝片
厚薄適中，爽脆帶鮮甜味。
日本北海道鮮帶子
份量都幾多，鮮甜滑嫩
羊肚菌墨魚丸
係冬甩形狀幾得意，墨魚丸爽彈，配羊肚菌味道更加鮮美。
XO醬鮑魚鮮蝦餃(半份4隻)
餃子皮係比較厚身嗰隻，餃子餡料飽滿，鮑魚同蝦口感爽口，配XO醬又幾夾，幾惹味。
鮮蟹肉帶子餃(半份4隻)
食到一梳梳嘅蟹肉，好鮮甜。
手工三色麵
沙嗲同麵係絕配，口感煙韌有咬口，吸收晒成個湯底嘅精華。
百花釀油條
食法就好似響鈴咁，淥幾秒就得，脆得黎有嚼勁，索哂d沙嗲湯，味道濃郁。
自家製無添加菊花茶
菊花茶清甜解渴，甜度啱啱好，配火鍋好夾
張貼
