California Pizza Kitchen (已結業)

懷住解「鄉」愁嘅心情入去食飯係注定出事。平心而論唔難食，但要知道一比較仍然會比下去。第一樣菜係湯，素食者適用湯有兩款，唔知點揀好？溝埋做賴尿牛丸丫笨。估唔到真係無任何間隔直接放兩隻湯係一個碗到。湯係杰身嘅，所以唔攪佢係唔會自己mix埋。橙紅色嘅係墨西哥蕃茄湯，相對野味啲。綠色係青豆薏米湯，西餐食薏米感覺搞笑。淡少少，但想試新奇嘢嘅人可以一試。加洲素菜pizza，厚餅底嚟講算好好食，用大烤爐焗果然俾出面焗爐整嘅水準高。餡料選材獨特，可惜味道就唔突出，尤其係你係外國食過同一間餐廳再比較之下，顯得遜色。