HOKO Farm (已結業)

呢間餐廳迫使我第一次寫食評，不過真係要分享一吓，我跟友人一行三人大約早上8:45到餐廳，當時見有好多空枱仍叫友人先取票，等叫入坐，三份早餐味道可以，炸魚一般，雞扒好味，食得飽，但到10:15時我哋無叫埋單下，有一位女職員好急攞埋張單放向枱，話我哋超時要埋單離開，我哋想望清楚張單每人比幾錢，個職員話佢攞張單出去收銀，我哋出去埋單，我當時感到佢好無禮貌，趕人走咁，入座前並無提醒客人用餐時間，食物好都無用，待應態度真係要留意一吓，禮貌講句差好遠，唔會考慮再幫襯！