李家 (已搬遷) 新店位置

今日尖沙咀放工，諗住黎個happy saturday，梗係要搵d 好野食啦！ 就去左呢間李家，之前都想去好耐架喇，但次次都好多人排隊，我地今日早去，前面都已經有4, 5個人排緊。等左15 至20 分鐘左右，就入得去喇！ 入到去就有前菜放左係枱面，係一碟菜絲沙律同一碟白蘿蔔。咁我地就叫左碟炸雞啦，係雙併既，只有甜辣炸雞同原味炸雞係可以雙併，其他唔得。另外都叫左螺肉冷麵同一杯啤酒。個炸雞都幾辣幾好食既，就算甜辣果個有d 汁佢都係脆既。 如果真係覺得好辣就可以食下d 菜絲沙律同白蘿蔔解解辣。之後黎果個螺肉冷麵就麻麻地喇，佢d 汁就酸酸辣辣咁，個味道我就麻麻地中意 ，個麵淋淋地，將d 汁撈落個麵到食都幾開胃既，開頭唔知要撈幾多汁先得，所以撈左好少覺得好淡，後尾加返多d 先覺得有d 味。但佢d 螺肉就幾多既。得閒同朋友黎食下炸雞啤酒傾下計都幾好既，不過因為成日都好多人等，如果兩個人既過通常都要搭枱，會迫迫地。下次如果唔使等位都會再食。