小肥牛火鍋活魚專門店 (已結業)

朋友生日，佢喜歡食牛肉火煱，所以揀咗黎小肥牛食佢推介的手切肥牛，講真細細個就食小肥牛，一D都無咩特別期望。Book咗呢間太子的小肥牛，我地五人都可以book間房，有獨立厠所，真係好喇，幾大聲講笑都可以呀！侍應推介咗呢個火焰蟹湯底 （＄128），佢話其他火煱店起碼幾百蚊，咁抵？即管試下啦！侍應一點火，果然好有效果喎！但係影相一樓，但其實個煱味度好一般，除咗酒味，都無咩海鮮味，隻蟹細到差D見唔到！哈哈。。。解釋咗點解比其他火煱店平囉。手切肥牛是預期的水準吧，但係切得好薄，而且要預訂，講真真係唔係特別好食囉另外叫了兩款刺生，都好新鮮！桶蠔好大隻，火煱效果好好，大大隻好有蠔味，食得好滿足，可惜一碟得五隻，唯有encore叫多碟囉！另外值得一提蟹子墨魚滑，蝦滑，入口好彈牙好濃味、鮮味，好好食！我地仲叫咗豬天梯同埋鵝肝，都係少火煱食的，豬天梯原來好爽，口感好得意，會再食呀！鵝肝都好特別。另外仲有菜同其他火煱料，位位＄280總括黎講，食物水準都唔差，但無咩驚喜吧！