長洲張記

營業中

休息中

大熱天時嚟到長洲，真係幾辛苦。由於一到達時，都幾肚餓，所以即刻入咗去張記度食嘢。我同鮮茄蛋叫咗：牛腩墨丸撈粗牛筋豬手撈粗雙拼仲要係撈麵，都只不過係$23碟，心諗幾抵，但係一嚟到時其實都幾細碟。據說佢哋啲丸類嘢比較出名，所以鮮茄蛋突登叫咗墨丸試吓，但係一食落去其實都幾失望，因為又唔係幾彈牙同埋無乜墨魚味，而且非常迷你加袖珍。而牛腩都可以嘅，不過不失，但又未至於相當出色。至於我嘅牛筋就好好多，因為牛筋嘅黏性相當高，而且夠晒腍，又夠味，所以好得！相反同牛筋比，豬手就較為遜色，因為雖然味道唔錯，但係好似炆得未夠咁，相信如果炆耐啲的話，會好食啲！原本諗住試吓佢嘅魚皮，但係見到要$17一碗，都頗貴，所以都係放棄咗，留肚食其他嘢好過。