羅麥記 (東薈城名店倉)

營業中

休息中

假日去東薈城行下，時間正席3點，唔想食太飽就入左羅麥記，假日都有午餐，不過唔岩我地，我地揀左餐牌散叫。叫左春卷，西多，燒豬頸肉，點知上枱份份都好大碟。環境就覺得唔係太乾淨但又唔污染嘅，只係感覺唔乾爽。服務方面就好一般，畢竟免收加一，啲啊姐都幾串，簡單啲講似茶餐廳咁，但好彩食物唔係。春卷無晾乾油先上碟，搞到碟底多油，但好食，外脆食落都無油膩感。西多係灑糖霜，無糖漿比，超過大份，炸得好好食，好香，無油益味燒豬頸肉好似其他餐廳嘅1.5倍份量，有啲肥肉但食得豬頸肉預左，食落香口，食完會想再食，不過佢啲密汁有啲似叉燒嘅感覺，哈哈