影片
更多
2009-02-16
17 瀏覽
有日大少買o左個外賣返o黎, 話係新o野, 於是試下.一打開, 見到材料都幾豐富, 清湯面有紫菜,蔥等配料, 上面有幾件炸卷. 似蝦卷, 味道ok. 夾起個粉睇下, 原本唔似一般o既米線, 佢比較粗身, 咬落好煙韌, 又索o左清湯o既味, 唔錯. 大少話叫攦炒喎.大少仲買o左十蚊三件o既糕點做甜品: 黑芝麻, 椰汁糕同眉豆糕. 黑芝麻味濃, 不過糕o既質地唔夠挺; 椰汁糕對我黎講太甜; 眉豆糕質地夠挺, 豆又多, 我最鍾意!大少話下次試下堂食. 見琴日得閒, 就走去試. 見個餐牌, 選擇唔算多, 主打攦粉, 但價錢相宜, 唔駛廿蚊就可以填肚, 好抵喎. 問個阿姐, 咩叫攦粉, 佢話即係瀨粉, 不過同香港食開o個o的有少少分別. 心諗:” 嘩, 擺明係兩樣o野喎. 平時食o既瀨粉幼o的, 煮完半透明, 咬落質地又唔到”. 無理佢, 叫o左個海鮮湯烏冬 ($12咋!), 酸辣攦粉同小食鯪魚球. 等o個陣無聊, 又研究個餐牌. 原來上次大少買o個個唔係蝦卷,而係墨魚卷. 嘩, 一o的都無墨魚味都無喎, 無墨魚粒, 唔爽口, 係咪肥豬肉放太多掩蓋哂o的味呢? 終於等齊, 個攦粉索o左酸
一打開, 見到材料都幾豐富, 清湯面有紫菜,蔥等配料, 上面有幾件炸卷. 似蝦卷, 味道ok. 夾起個粉睇下, 原本唔似一般o既米線, 佢比較粗身, 咬落好煙韌, 又索o左清湯o既味, 唔錯. 大少話叫攦炒喎.
大少仲買o左十蚊三件o既糕點做甜品: 黑芝麻, 椰汁糕同眉豆糕. 黑芝麻味濃, 不過糕o既質地唔夠挺; 椰汁糕對我黎講太甜; 眉豆糕質地夠挺, 豆又多, 我最鍾意!
大少話下次試下堂食. 見琴日得閒, 就走去試. 見個餐牌, 選擇唔算多, 主打攦粉, 但價錢相宜, 唔駛廿蚊就可以填肚, 好抵喎. 問個阿姐, 咩叫攦粉, 佢話即係瀨粉, 不過同香港食開o個o的有少少分別. 心諗:” 嘩, 擺明係兩樣o野喎. 平時食o既瀨粉幼o的, 煮完半透明, 咬落質地又唔到”. 無理佢, 叫o左個海鮮湯烏冬 ($12咋!), 酸辣攦粉同小食鯪魚球.
等o個陣無聊, 又研究個餐牌. 原來上次大少買o個個唔係蝦卷,而係墨魚卷. 嘩, 一o的都無墨魚味都無喎, 無墨魚粒, 唔爽口, 係咪肥豬肉放太多掩蓋哂o的味呢?
終於等齊, 個攦粉索o左酸辣湯, 好味; 鯪魚球無魚味, 好粉, 但有好大條魚骨, $25 ? 唔值囉, 要回水! 最有趣係個海鮮湯烏冬, 所謂烏冬睇落似貓耳朵, 不過大片得多. 咬落去好似食緊放湯煮o既蘿蔔糕既粉咁, 配料有冬菇片,蔥咁, 但成碗都好油膩, 試o左兩啖又要大少幫我清埋佢 (辛苦哂!). 差o的唔記得o左講, 每碗粉可以特價5蚊叫餐飲, 我點o左桂花茶試, 好香, 味好清, 唔會太甜, 有興趣可以試下.
主餐唔滿足, 外賣o左佢o既糕點返屋企食. 今次買o左眉豆糕, 馬蒂糕同桂花糕. 眉豆糕今次豆太多, 糕黏唔到, o的豆一夾就散, 不過味道無變, 我會繼續試; 馬蒂糕太甜, 馬蒂肉切太大粒, 小朋友或者老人家食都好易啃親, 要再切細粒o的先得; 至於桂花糕味道唔太甜, 桂花好足料, 可以一試.
張貼