洋洋小龍蝦餐廳

營業中

休息中

其實喱間野開左好多年，一直睇佢門面好似好殘舊咁，所以就無幫襯過。今日午飯時間，個心痕痕地，終於黎試一試。佢主打嘅都係好似茶餐廳咁嘅碟頭飯，雞扒飯、番茄肉片、豆腐班腩嗰啲。價錢好平，廿幾三十蚊就包埋野飲。而我就叫左個生炒牛肉飯。飯係即叫即炒嘅，所以都要等十分鐘左右。飯底炒得好香，粒粒分明，口感好好。另外，精髓在於佢叫牛肉，好嫩好夠味，佢唔係用鬆肉粉乸到無哂口感嘅嗰種嫩，而且調味非常出色，值得一讚👍🏻我身邊嘅人，好多都係叫佢嘅招牌雞扒飯，我諗應該都係一樣咁出色，下次黎到，一定會試