影片
更多
2024-11-06
2179 瀏覽
天氣再涼多少少，又係打邊爐嘅時候。除咗要靚嘅海鮮同牛肉，今次我同朋友一邊食，一邊傾偈，所以想要埋冇限時。究竟得唔得？“一本食堂”呢間喺觀塘嘅日本餐廳，依家夜晚做埋火鍋放題。連同花膠雞鍋、海鮮盤、刺身盤、牛盛盤同飲食嘅飲品，配料等等，每位$298。雖然海鮮刺身同靚牛都唔係任食，佢勝在無限時，可以慢慢傾，慢慢食。配料方面，全部都喺出邊攞到，包括肥牛、豬肉、牛柏葉、鵝腸、大量奇特嘅丸、魚腐響鈴等等，就連雞子都有😅。當然，佢本身包咗嘅海鮮同牛肉質素會高好多，例如佢嘅海鮮嘅蠔係相當大隻，帶子、小龍蝦同鮑魚都唔細隻。牛方面佢嘅prime牛小排係最好食，不過出邊任攞嘅豬肉牛肉都唔算差，起碼唔會嚡口。講返個鍋，係而家最興嘅花膠雞鍋，可以飲完湯之後先至烚嘢食。除咗火鍋配料，佢仲有啲小食包括台灣腸同炸魚塊。飲品方面，就有任飲嘅罐裝啤酒(+$68有買一送一生啤) 、角色汽水同自家製嘅茶。當然唔少得甜品。香港品牌嘅雪糕味道都算特別，有tiramisu、港式奶茶同榴槤等。仲有其他甜品包括芒果布甸、雪耳糖水，仲有水果。其實真係幾多嘢揀。火鍋配料選擇多，海鮮同牛都靚仔，環境闊落，仲可以無限時咁食，先至二百幾蚊一個人
除咗要靚嘅海鮮同牛肉，今次我同朋友一邊食，一邊傾偈，所以想要埋冇限時。究竟得唔得？
“一本食堂”
呢間喺觀塘嘅日本餐廳，依家夜晚做埋火鍋放題。連同花膠雞鍋、海鮮盤、刺身盤、牛盛盤同飲食嘅飲品，配料等等，每位$298。雖然海鮮刺身同靚牛都唔係任食，佢勝在無限時，可以慢慢傾，慢慢食。
配料方面，全部都喺出邊攞到，包括肥牛、豬肉、牛柏葉、鵝腸、大量奇特嘅丸、魚腐響鈴等等，就連雞子都有😅。當然，佢本身包咗嘅海鮮同牛肉質素會高好多，例如佢嘅海鮮嘅蠔係相當大隻，帶子、小龍蝦同鮑魚都唔細隻。
牛方面佢嘅prime牛小排係最好食，不過出邊任攞嘅豬肉牛肉都唔算差，起碼唔會嚡口。講返個鍋，係而家最興嘅花膠雞鍋，可以飲完湯之後先至烚嘢食。
除咗火鍋配料，佢仲有啲小食包括台灣腸同炸魚塊。飲品方面，就有任飲嘅罐裝啤酒(+$68有買一送一生啤) 、角色汽水同自家製嘅茶。
當然唔少得甜品。香港品牌嘅雪糕味道都算特別，有tiramisu、港式奶茶同榴槤等。仲有其他甜品包括芒果布甸、雪耳糖水，仲有水果。其實真係幾多嘢揀。
火鍋配料選擇多，海鮮同牛都靚仔，環境闊落，仲可以無限時咁食，先至二百幾蚊一個人，算係相當節制，最適合啲想搵地方傾偈嘅朋友。傾幾耐，食幾耐。
張貼
