泰興泰國菜館 (已易手) 新餐廳

呢間我之前食過覺得一般，但阿sir就幾鍾意，唯有再比多次機會佢啦，但試過今次之後，永不錄用囉！原因好簡單－係佢無heart兼無水準，西環區我仲有好多間未試喎🙄黃咖哩大蝦🥢個咖哩有改善，起碼無之前咁杰咁甜，但主角＂大＂蝦就完全無味，size根本就係龍井蝦仁size，完全唔掂🤬蒜蓉包🥢上枱又凍又硬，用多士爐烘返熱脆有幾難呢串燒豬肉🥢唔講唔知係豬肉囉，質感似雞肉＋豬肉，勁奇怪......唯一可取係個沙嗲醬咸魚炒芥蘭🥢🥢🥢芥蘭嫩又炒得香，食到有咸魚味，但個茨汁做得差好多一嚿嚿椰汁冰🥢🥢🥢最正常，但勁多汁，飲兩啖已飲完二人共消費：$280