烤爐印度餐廳

營業中

休息中

雖然本人並唔係印度菜0既粉絲，所以真係冇乜研究，1個月晚飯分分鐘都食唔倒1次，但番工0既關係，偶然都會黎呢度食晏。呢度0既午飯主打係SET，以唔同0既咖喱配搭菜、牛腩、雞等等6種唔同0既餸。除左薄荷串燒雞要4十幾蚊之外，樣樣都係36。除餐附送是日餐湯，飯或印度烤餅，仲有咖啡或茶。是日餐湯係蕃茄湯，雖然有同事話太酸 ，但由於本人鍾意食蕃茄，所以都OK 食得酸。講好飲就真係講唔出，但係都不過不失啦。本人特別鍾意食咖哩雞，因為覺得佢個咖哩個味道同辣道啱我口味，咖哩都整得幾香滑，喺連鎖快餐店真係唔會搵倒呢種咖哩0既味道; 另外佢地整個雞都整得幾滑，基本上每次都整得好食。雖然有同事講過話試過個雞唔熟，但好彩SO FAR 未喺我身上發生。烤餅真係好建議快D食，因為新鮮熱食 (當然我係拌咖哩食，唔係淨食)0既食出餅香，亦食出餅脆0既一面。正~ 由於耐唔耐都會去呢度食，尼泊爾藉老板 (尼泊爾人同印度人整咖哩有冇分別呢?) 基本上都認得我地，行出行入都有講有笑 (尤其係落單時老板以半咸淡廣東話講野真係幾好笑)，喺忙碌0既一日裡面，總算可以搵倒D令自己輕鬆0既地方。