慢煮工業 (已結業)

聽朋友講慢煮工業d嘢幾好食，今日終於有幸可以黎初體驗。叫左兩個 All Day Breakfast, 分別配龍蝦，另一份就揀咗配安格斯牛扒， 非常豪華！我哋個Breakfast包括有薯餅、焗茄汁豆、多士、蕃茄沙律、炒蛋、芝士磨菇，所有材料都好好味，特別係個多士我最鍾意食。主角半隻龍蝦上面係用豐富嘅芝士黎焗，加埋少少香草嘅味道，令我一食難忘，可能龍蝦又夠新鮮關係。另外安格斯牛扒煎得恰到好處，唔過熟又唔會太生，七成左右啱曬我哋。入面鎖住肉汁，鍾意食牛嘅朋友下次嚟一定要叫呢個。飲品叫咗薑味汽水，同埋荔枝接骨木花梳打。 薑味汽水個薑味好重，有少少薑嘅辣味，如果鍾意薑嘅朋友一定會鍾意飲。另外接骨木梳打因為加咗荔枝就好清涼好fresh，好啱夏天飲。