夢の丼 (已結業)

真㗎，舊年東京奥運神早plan定親身去睇㗎，可惜……今年以為真係可以去到，誰不知都係唔可以。呢排睇電視成日見到日本，但只可見不可去。唔能够去，唯有去食日本嘢平衡返心情。今次來到HKU附近位於皇后大道西呢間『夢の丼』，呢度門面好大，都幾有日本feel，入邊亦都係有同樣感覺，就等我哋來享受以下豐富的日本美味吧。來份小食先，佢就係『蟹皇醬燒蟹膏豆腐』，豆腐整成方磚型狀，上邊鋪滿蟹膏，濃郁蟹味喺成個口腔裹迥轉，正吖，跟往嘅『柔煮鮑魚』亦唔輸蝕，鮮嫩，Q彈。少少哋嗌咗两款刺身『深海池魚』和『石垣貝』，壽司就係『火炙右口魚邊壽司』，右口魚邊食落個口感係真真正正的入口即溶，好爽。两個丼飯定食，均配有沙律和麵豉湯『花錦魚生丼』内有三文魚子，三文魚，白身魚，赤蝦，金蟹子，櫻花蝦，『極北丼』内有有珍貴嘅松葉蟹鉗，三文魚子，帆立貝，海膽醬赤蝦，香葱吞拿魚腩，右口魚邊，玉子，青瓜，甜蛋……太多喇，不能一一盡錄，總之豐富多姿彩，好飽好滿意。