拉麵來 (已搬遷) 新店位置

距離上次到日本已有1年時間，呢派食多咗日本嘢來懷念1年前的大阪，京都遊，而今天無無聊聊睇Openrice，見到『拉麵來』有『蟹肉味噌豚骨湯拉麵』好似好好食，就咁過咗來，可惜今日没有，見其他麵也唔錯，環境又好日式，就連飲品都係来自日本，真係好啦。鍾意海鮮的我點咗個『濃厚魚介豚骨湯麵』，濃原豚骨湯底再加埋三種魚(鰹魚，鯖魚，沙甸魚)魚乾磨制而成的魚介粉，細味品嚐，啖啖湯充滿海鮮甘甜味，除此之外，仲有叉燒，木耳，紫色，葱，一碗色，香，味俱全的高質湯麵，朋友對自已點嘅『白松露野菌豚骨湯麵』也好滿意。两款小食『廣島炸蠔』香脆外表下的蠔亦鮮甜，『蒜香墨魚咀』本身沒有味道的墨魚咀喺蒜香下變得惹味，送酒或日式飲料都幾得。