醉串 (已結業)

今日約咗係銅鑼灣返工嘅朋友食lunch, 想食湯麵飽肚又唔肥嘅, 地膽有咩好介紹? 就嚟到鵝頸橋呢邊食烏冬 啱晒我心水乳酸梳打 跟餐＋$6 (4/5)套餐亦包括咖啡或茶唔係淨係梳打飲品咁簡單, 杯底有乳酸爆珠, 好似珍珠奶茶嘅珍珠咁大, 就好似提子咁皮薄, 咬落爆開勁多汁, 飲品唔太甜, 一清悶熱感炭燒雞扒石鍋烏冬 $68 （4/5)店員送上剛燒熱嘅石頭鍋, 裹面嘅係發滾嘅醬油湯同烏冬, 雖然好熱, 但已經心急想食哈哈, 而且用上高質烏冬, 麵身好有彈性, 唔會令食客失望, 配料有豆苗芽, 溫泉蛋, 粟米及蟹柳, 湯底濃郁, 唔錯嘅選擇炭燒雞扒雞雞扒肉質脂肪唔多, 燒完都唔會好乾身, 配合燒汁甜甜地推介此餐廳 4/5 有暖粒粒嘅石頭鍋烏冬及冷烏冬, 午市套餐每兩個月轉一次, 選擇多都唔錯, 晚市主要食串燒, 貼心為客人準備card games小遊戲, 比客人除咗食之餘可以好似屋企咁聚會, 玩下遊戲, 係餐廳留耐啲, 又可以再食平均消費$74, 2個人, 2個烏冬+2杯特飲醉串 Skewed星期一至六: 12:00-15:00; 18:00-00:00星期日: 18:00-00:00