Kome Kushi

營業中

休息中

今晚去咗西營盤一間日式料理店，位置非常方便，近地鐵站。裝潢設計有日籍人仕做軍師，充滿日式風格。還有一個角落專為帶埋竉物來嘅客人，好窩心。漬物牛旁，佐酒一流。主打串燒，當然要試吓：鹽燒活鰻鰻魚燒到皮脆肉嫩，鹹度恰到好處。好喜歡調味嘅芥茉菜粒，少少辛香，跟鰻魚好夾。自家製免治雞肉丸非常滑溜，又有細小軟骨，增添嚼口。牛肉壽喜燒牛肉軟腍，充滿肉汁。豆腐煎過表面，非常細心。配料有大量蔬菜，營養豐富。壽喜燒湯汁不會過鹹，味美。