日之食放題館 (已結業)

其實朋友之間總有一些大胃王, 要配合佢地, 有時都要揀一些任食邊爐, 韓燒及放題才可滿足佢地, 今次就揀左呢間試O下日式放題。刺身- 種類都算多, 不過老實不客氣, 第二三碟的已大不如前, 所以其他就唔POST, 赤貝及三文魚比較好,赤貝爽而不會水汪汪, 有少少腥味但可以接受, 三文魚魚油香都豐富, 切得雖不厚, 但肉質都嫩而滑, 朋友們都主打食這兩樣。 天婦羅- 第一轉反而不是熱, 而是暖, 朋友懷疑開店前會炸定一部分減少之後需求急增, 炸唔切, 所以第一碟上的時候不見得多油, 但入口就不少, 相信已經在等我們入口前已滲入去了~.~ 炸漿不厚, 但似無調味, 淡淡的, 蝦好爽, 沒有雪味。串燒- 難得有燒帶子, 醬汁掛太多, 偏咸, 雞軟骨其實燒得好好, 但最後放了調味粉, 入口即覺重口味, 朋友們為左食雞軟骨, 會浸一浸水食, 好好笑。朋友吹水時間會少, 因為限時, 個個都密密食, 食完已經快完要動身走人, 傾計唯有期待下次。