Mo Mo Kushiage (已結業)

同朋友嚟到尖沙咀，試下呢間香港少有主打串燒炸物專門店。位於尖沙咀厚福街，附近都好多唔同嘅餐廳，競爭非常激烈，日式嘅裝修，居酒屋嘅味道，座位寬躺，我哋坐窗門位可以望到尖沙咀嘅街景，餐牌選擇都好豐富，落完單之後店員會倒上一碟自家製紅酒汁，用黎點炸物食😂前菜 - 清甜開胃前菜有青瓜🥒，紅蘿蔔🥕同白蘿蔔，配味增醬同自家製辣醬，味增醬好香，個辣醬有驚喜，唔算好辣又唔會死辣😋炸雞翼🍗- 全隻雞全翼，表皮香脆雞肉嫩滑，外脆內嫩日本赤崎真蠔🦪- 生蠔非常肥美鮮甜，唔洗加調味料都已經好好食👍🏼三點刺身拼盤 - 日本蟹腳鮮甜，蟹肉實唔會太散，啖啖肉🦀日本天使蝦體型肥美，蝦身晶瑩剔透，肉質結實鮮甜，口感清甜彈牙🦐三文魚刺身肉質鮮美細嫩🍣磯煮鮑魚 - 炸粉包住嘅鮑魚，炸粉一啲都唔厚，仲保留到鮑魚嘅鮮甜😋荷蘭豚肉卷 - 豚肉非常淋嫩，叫咗2款唔同嘅味道，梅味豚肉卷梅味比較出👍🏼芝士豚肉味芝士味唔會太重，唔會蓋過豚肉本身嘅味道😋關東煮 - 可以自選5款，有牛肋肉，雞蛋，蘿蔔，炸豆腐，薯仔，湯底十分清甜，牛肋肉淋嫩，蘿蔔同薯仔都好淋好入味