影片
更多
2022-09-20
2736 瀏覽
𝐂𝐚𝐟é 𝐂𝐢𝐫𝐜𝐥𝐞𝐬 📍荃灣西如心酒店9樓週末下午茶自助餐🌈供應時間: 星期六至日，3:15pm - 5:15pmHK$268 (成人) | HK$228 (小童/長者)今次下午茶自助餐主打多款即叫即整日式串燒🍢呢到串燒相當出色，蔬菜方面有翠玉瓜，蕃茄仔🍅同栗米🌽，特別推介翠玉瓜勁juicy 食左4件，栗米都燒得好香😆肉類方面雞串，雞脾腸都肉味濃郁🍖可以鎖住肉汁好好味，不過因為串燒係最暢銷嘅一檔，基本上一燒完就好快比人攞晒🌝少失望係後期雞串都冇再refill過😕要食就要快手!呢度仲有多款特色鹹點同熱葷，包括韓式炸雞🍗迷你漢堡🍔越式蔗蝦等🍤通常buffet 嘅漢堡都係偏乾，但呢個包體都幾鬆軟，幾有牛油香🧈雞肉出乎意料幾juicy😆仲有牛同蝦不過我未試～至於壽司同沙律都比較少選擇😬三款沙律多士賣相好精緻，都幾好味，但壽司refill 速度都係好慢😕食到最尾已經得返卷物，想食鰻魚都冇晒，唔太吸引，同埋呢度好多熱葷例如炒飯麵，熱湯，粉麵檔都欠奉，有時想食啲熱野都好似冇乜選擇～黎到重頭戲就係由馬來西亞D24榴槤入饌嘅榴槤甜品💚例如榴槤斑蘭蛋糕，榴槤芝士撻，榴槤朱古力撻，榴槤焦糖燉蛋，榴槤糯米
📍荃灣西如心酒店9樓
週末下午茶自助餐🌈供應時間: 星期六至日，3:15pm - 5:15pm
HK$268 (成人) | HK$228 (小童/長者)
今次下午茶自助餐主打多款即叫即整日式串燒🍢呢到串燒相當出色，蔬菜方面有翠玉瓜，蕃茄仔🍅同栗米🌽，特別推介翠玉瓜勁juicy 食左4件，栗米都燒得好香😆
肉類方面雞串，雞脾腸都肉味濃郁🍖可以鎖住肉汁好好味，不過因為串燒係最暢銷嘅一檔，基本上一燒完就好快比人攞晒🌝少失望係後期雞串都冇再refill過😕要食就要快手!呢度仲有多款特色鹹點同熱葷，包括韓式炸雞🍗迷你漢堡🍔越式蔗蝦等🍤
通常buffet 嘅漢堡都係偏乾，但呢個包體都幾鬆軟，幾有牛油香🧈雞肉出乎意料幾juicy😆仲有牛同蝦不過我未試～至於壽司同沙律都比較少選擇😬三款沙律多士賣相好精緻，都幾好味，但壽司refill 速度都係好慢😕食到最尾已經得返卷物，想食鰻魚都冇晒，唔太吸引，同埋呢度好多熱葷例如炒飯麵，熱湯，粉麵檔都欠奉，有時想食啲熱野都好似冇乜選擇～
黎到重頭戲就係由馬來西亞D24榴槤入饌嘅榴槤甜品💚例如榴槤斑蘭蛋糕，榴槤芝士撻，榴槤朱古力撻，榴槤焦糖燉蛋，榴槤糯米滋，榴槤炸蛋等～
我本身都幾怕食榴槤，但見賣相咁精緻都忍唔住試吓，榴槤朱古力撻，焦糖燉蛋同榴槤炸蛋嘅榴槤味都係偏淡，慢慢滲出黎，所以我都接受到，覺得幾得意幾夾，焦糖燉蛋都做得幾滑😋榴槤炸彈個皮好煙韌好好味😆不過可能擺耐左已經唔脆～芝士撻同糯米滋榴槤味都幾重架，我個人就麻麻哋，但如果你係榴槤控一定會鍾意💚其他日式甜品有藍莓芝士蛋糕，巨峰提子布甸，芒果布甸，泡芙，蘋果金寶等，水準不過不失，冇太大驚喜，不過有三款Häagen-Dazs雪糕同抹茶朱古力火鍋任食！😋
最後呢度環境係值得一讚，非常寬敞舒適，我哋一行四人仲比左間獨立房我哋，可以望到街景，服務都好好，好適合三五知己良朋歡聚👭🏻👫🏻張貼
