影片
更多
2023-06-03
123 瀏覽
Boire et Manger (灣仔)地址：灣仔軒尼詩道68號新禧大樓地下A號舖灣仔浪漫情調餐廳，之前lunch食過晏晝，西式set lunch，原來夜晚轉左日式串燒餐廳，見佢menu都似新整，有大量串燒可以叫之外，仲有清酒，加埋好有情調嘅音樂，慶祝一流，加上地點非常近地鐵站，非常之方便，約人都唔驚搵唔到。星期六日夜晚，六點左右到達餐廳，第一台客，職員非常有禮，一嚟已經俾咗兩杯暖水，座位非常寬敞，Tiffany Blue白色做主調，非常有格調，旁邊放左細嘅酒桶同埋清酒裝飾，仲有一個好整齊嘅Bar corner，播放住浪漫既英文金曲。白銀魚配煙燻酸忌廉多士$78白銀魚，配上煙燻酸忌廉多士，脆身多士，上面加上蛋絲同魚，味道好夾。厚身牛舌串$38厚身牛舌有濃郁嘅肉味同口感，以呢個價錢嚟講，佢係一個唔錯嘅選擇。燒白鱔串$42唔似平時出邊嘅燒白鱔，唔會有個種油膩感，似係燒鰻魚但係未有配鰻魚汁，肉質淋，都不錯。味噌甲羅燒(一本入)$68甲羅亦即係蟹蓋，味噌上面滿滿嘅蟹肉，放喺蟹殼，另外配有脆身細多士，價錢唔貴，蟹肉好多。唐揚魷魚鬚$68炸魷魚嘅觸鬚部分，我最鍾意食，炸得鬆脆嘅外皮，唔會太硬，配上
地址：灣仔軒尼詩道68號新禧大樓地下A號舖
灣仔浪漫情調餐廳，之前lunch食過晏晝，西式set lunch，原來夜晚轉左日式串燒餐廳，見佢menu都似新整，有大量串燒可以叫之外，仲有清酒，加埋好有情調嘅音樂，慶祝一流，加上地點非常近地鐵站，非常之方便，約人都唔驚搵唔到。
星期六日夜晚，六點左右到達餐廳，第一台客，職員非常有禮，一嚟已經俾咗兩杯暖水，座位非常寬敞，Tiffany Blue白色做主調，非常有格調，旁邊放左細嘅酒桶同埋清酒裝飾，仲有一個好整齊嘅Bar corner，播放住浪漫既英文金曲。
白銀魚配煙燻酸忌廉多士$78
白銀魚，配上煙燻酸忌廉多士，脆身多士，上面加上蛋絲同魚，味道好夾。
厚身牛舌串$38
厚身牛舌有濃郁嘅肉味同口感，以呢個價錢嚟講，佢係一個唔錯嘅選擇。
燒白鱔串$42
唔似平時出邊嘅燒白鱔，唔會有個種油膩感，似係燒鰻魚但係未有配鰻魚汁，肉質淋，都不錯。
味噌甲羅燒(一本入)$68
甲羅亦即係蟹蓋，味噌上面滿滿嘅蟹肉，放喺蟹殼，另外配有脆身細多士，價錢唔貴，蟹肉好多。
唐揚魷魚鬚$68
炸魷魚嘅觸鬚部分，我最鍾意食，炸得鬆脆嘅外皮，唔會太硬，配上嘅醬汁係cream加熱情果醬，第一次見咁嘅配搭，非常特別，非常好味。
地點非常方便，慶祝不錯嘅選擇，坐得舒服浪漫餐廳。
張貼
