南蛮亭

營業中

休息中

南蛮亭係香港都算元祖日式串燒店，今次就同男朋友試下水準如何。開放式廚房可以睇到師傅點樣燒串燒。原來枱上嘅新鮮菜條需要收費 ($22)，真係睇返張單先知。鮮露筍豬肉卷係南蛮特選，薄薄嘅豬肉片包住鮮嫩露筍，可以減低肉類嘅油膩感。芝士翠玉瓜幾有驚喜，翠玉瓜香甜多汁，加上燒溶芝士好惹味。每次去串燒店都必點燒牛舌！厚燒牛舌爽口不韌，如果肉味再濃一點就好啦！男朋友點嘅汁燒雞肝唔係好啱我口味，個人認為苦味太強烈，但佢就好鍾意。雞軟骨送來嘅時候仲見到細小嘅氣泡，夠晒新鮮熱辣！咬落香脆有嚼勁，不過細串左少少......燒飯團有明太子、鮭魚、梅、原味，我揀左明太子。用紫菜包住剛剛燒好嘅飯團，咬落較乾身， 明太子味道唔突出。整體串燒質素可以，但價錢稍高，唔算抵食。