串本屋 (已結業)

之前有朋友仔介紹話係柯士甸有間性價比高既日式串燒店，今次輪到小編試下味先😋😋門面同內部裝修非常有日本風，當自己去左轉日本旅行。餐廳內有好多唔同款既日本酒，愛酒人士可以試一試。前菜 $12為蕃茄配上秘製醬汁，非常開胃。吞拿魚蓉薄脆 $48 吞拿魚蓉份量多，脆底有點似米通。呢個配搭幾夾，幾好味😋燒三文魚頭 $78，魚頭燒得很香脆。魚頭多肉，食起來啖啖肉，魚肉滑嫩，肉質勁嫩滑，不同部位都有不同的口感。👍🏻👍🏻👍🏻荔枝豚肉串 $26好特別，豚肉卷住荔枝，又岀奇地好味道。荔枝既甜味中和返豚肉既味道，一甜一咸剛剛好。雞肉串配明太子醬 $26雞肉juicy，唔會好油膩，配上明太子醬更好味。燒芝士年糕（兩件）$28黎到日本串燒店當然要試吓芝士年糕😋年糕燒得煙韌，外皮唔會燒得好硬，入面既芝士先係精粹😋鰻魚粒燒飯糰 $24 + 三文魚燒飯糰 $24外面既飯燒得很脆口，有點似石鍋既飯焦。鹽燒封門柳 $26封門柳係牛的橫膈膜的肌肉，肉質鬆軟，不易變韌，而且牛肉味極為濃郁。燒元貝（兩隻）$50元貝新鮮，很重牛油味，配上大蔥一齊食更正。日本多春魚（兩條) $20燒得脆口，沒有魚腥味。