別府駅前料理 (青衣城1) (已結業)

因為家住青衣，別府已經係我嘅常去飯堂list其中之一，每隔一段時間就會黎食一餐，之前行過見佢推出左新午餐，即刻去左試下啦，今次試左新出嘅「燒汁雞扒丼」，米飯粒粒分明煮得剛剛好，雞肉很嫩滑，調味唔會過鹹，不過略嫌醬汁太少，如果多d汁撈飯會更加好，糖心蛋蛋味好濃同非常流心，見到都覺得好好味，有日式丼飯嘅風味！而我朋友就叫左「汁燒鹿兒島豚肉飯」，個汁同豚肉非常配搭，豚肉幾入味，加埋d飯都好開胃呀，不過都係一樣，如果多d汁撈飯會更加好！食得肉多都要補充番蔬菜，所以加多左一份豆腐胡麻沙律，蔬菜都算新鮮，胡麻醬和豆腐嘅配搭都唔錯！新餐牌仲有幾多新定食，下次黎試下個牛舌火山丼飯先！