犢食 (已結業)

呢排成日要食外賣，緊係搵d特色野食。呢間舖頭主打丼飯同埋日式咖喱，我哋三個就每人點一個餐再share嚟食。佢個前菜係有d甜甜地既木耳，幾開胃。我叫咗個芝士漢堡扒湯咖喱定食，佢塊漢堡扒好Juicy，扒上面仲鋪咗陣薄薄嘅芝士，佢個日式咖喱汁唔算辣偏甜，啱晒我呢啲唔食得辣嘅人。值得一讚嘅係佢有好多蔬菜，例如西蘭花、茄子、瓜同薯仔，喺抗疫時真係覺得好窩心！朋友叫咗個南蠻炸大雞丼飯，佢個雞炸得幾入味，炸粉唔多反而雞肉幾多，配埋啲酸檸檬汁好醒位，同埋佢仲有塊蛋同啲紫菜，成個飯都幾多野食！另外個朋友叫左炙燒豚角煮丼，佢有秋葵即刻心心眼左，佢d豚肉唔算肥都有肉同埋好香，同d木魚絲好夾。佢個湯幾濃味但唔係味精個種味，都幾好飲。