Hokahoka

營業中

休息中

呢間日本餐廳，午市時間都幾多人。店舖細細，坐位比較密，唔算坐得好舒服。用QR code點餐，不收加一。除咗每日嘅精選午餐之外，仲有好多其他套餐可以選擇，大部份價錢都係$88-$148左右。用QR code可以看到菜式圖片。叫咗一個$88嘅網燒牛肉套餐，前菜應該係牛蒡絲，冇食，味增湯，冇飲。沙律係用橄欖油，不是用芝麻醬，我喜歡，而且啲菜都幾新鮮。網燒牛肉分量都算幾多，牛肉略嫌煮得太過熟，有少少老，但係碗珍珠米嘅飯真係幾好食，唔鍾意食飯嘅我都食咗半碗。響尖東$88 食個日式午餐仲要唔使加一，性價比都算幾高。早陣子喺四季悅都食咗一個差唔多嘅網燒牛肉午餐，有時間補個食評先。