三河屋 (已結業)

Lunch time要去紅磡辦事，見仲有時間就食埋飯啦。係附近行左一圈，最後揀左呢間三河屋食日本野。呢間三河屋裝修真係好舊了，而且都係食堂式設計，所以唔算坐得好舒適。還好佢舊得黎都好簡潔，唔會油淋淋或者有油煙味。😌午飯時間未算坐到好滿，但佢人流都好多，密密有人入有人出。餐單都好簡潔，拉麵🍜烏冬或飯，環觀周遭既人都係食咖哩吉烈豬扒飯🍛多! 不過今日冇咩興趣食咖哩，反而想食天婦羅🍤就叫左個天婦羅烏冬。先來左烏冬🍜完全係清湯烏冬，真係連粒蔥魚旦🍥都冇，有D齋。不過個烏冬食落好彈牙，麵質好新鮮。雖然唔知係咪手造，但係一定唔係雪藏死實實個種! 冇幾耐個天婦羅都出黎啦。呢度真係冇咩配菜或醬汁，難免有少少失望🥴連蘿蔔蓉都冇! 可能佢地覺得只要食物本身好食，就應該要食佢既原味，哈。咁天婦羅又好足料，有3隻蝦🍤有茄子🍆蕃薯同埋魚。每一樣野都新鮮炸出來，熱辣辣之餘隔油都隔得好好，食落去冇油益味，炸粉比例好好，蝦肉、魚肉或蔬菜每樣都好新鮮。店員都話點湯食就得。果然都有點汁既效果。天婦羅烏冬68蚊，加了一罐可樂🥤9蚊共77蚊，好抵食就唔算，因為始終地點同環境既限制，但佢既質素係幾好既，下次一定會試下個咖哩飯，