影片
更多
2022-07-03
245 瀏覽
阿久根和牛涮鍋哩個和牛涮鍋好豐富，有三塊胸腹肉，兩塊三角肋肉，一塊肉眼A4，一個烏冬同一個有水晶粉嘅蔬菜盤。幾款肉嘅肉質都好軟，尤其係三角肋肉，真係入口即溶。而全部肉嘅牛味都好重，味道當然係肉眼A4最可以留低深刻印象。而湯底係好甜嘅味噌湯，用黎煮住烏冬同水晶粉定其他蔬菜嘅時候都好入味，會忍唔住飲晒啲湯。份量方面，牛涮鍋有一份烏冬同水晶粉，一個女仔食晒已經好夠，不過肉類相對黎講就少啲，如果想喺牛涮鍋到試多幾樣肉就要另外再加肉喇。和牛燒烤燒烤方面，可以選擇單點或者叫套餐，由於今次想試多幾款肉，而價錢同叫套餐差唔多就叫咗單點，肉嘅種類都好多，主打有牛嘅唔同部位，特別啲嘅有牛骨髓、牛胸爽等，仲有A5和牛嘅刺身，想試下新野嘅朋友仔可以試下！亦都有少量其他肉類同小食可以揀，好似雞肉、五花腩或者燒紫薯咁。而今次我地叫晒幾款和牛，佢哋肉嘅質素好好，燒耐咗啲都唔會話好難咬爛，會入口即溶，仲好香牛味，燒嘅時候已經聞到。另外仲叫咗牛舌，都幾有驚喜，牛味都足之餘仲好脆口，同和牛相比又有另一種口感。而佢地嘅生菜係免費嘅，落單嗰陣可以喺menu落埋，食牛食到有啲膩嗰陣都可以夾舊肉喺生菜入面一齊食就冇咁膩啦！份量方
阿久根和牛涮鍋
哩個和牛涮鍋好豐富，有三塊胸腹肉，兩塊三角肋肉，一塊肉眼A4，一個烏冬同一個有水晶粉嘅蔬菜盤。幾款肉嘅肉質都好軟，尤其係三角肋肉，真係入口即溶。
而全部肉嘅牛味都好重，味道當然係肉眼A4最可以留低深刻印象。而湯底係好甜嘅味噌湯，用黎煮住烏冬同水晶粉定其他蔬菜嘅時候都好入味，會忍唔住飲晒啲湯。
份量方面，牛涮鍋有一份烏冬同水晶粉，一個女仔食晒已經好夠，不過肉類相對黎講就少啲，如果想喺牛涮鍋到試多幾樣肉就要另外再加肉喇。
和牛燒烤
燒烤方面，可以選擇單點或者叫套餐，由於今次想試多幾款肉，而價錢同叫套餐差唔多就叫咗單點，肉嘅種類都好多，主打有牛嘅唔同部位，特別啲嘅有牛骨髓、牛胸爽等，仲有A5和牛嘅刺身，想試下新野嘅朋友仔可以試下！亦都有少量其他肉類同小食可以揀，好似雞肉、五花腩或者燒紫薯咁。
而今次我地叫晒幾款和牛，佢哋肉嘅質素好好，燒耐咗啲都唔會話好難咬爛，會入口即溶，仲好香牛味，燒嘅時候已經聞到。另外仲叫咗牛舌，都幾有驚喜，牛味都足之餘仲好脆口，同和牛相比又有另一種口感。而佢地嘅生菜係免費嘅，落單嗰陣可以喺menu落埋，食牛食到有啲膩嗰陣都可以夾舊肉喺生菜入面一齊食就冇咁膩啦！
份量方面，和牛嘅size唔算話好大舊，試啱鐘意食嘅款就要叫多幾舊黎食喇！整體黎講，各款和牛嘅質素都好好，種類都好多同好特別，想試嘅朋友可以主要嗌唔同款嘅和牛試下，而其他肉類就可以睇下係咪真係好想食，如果唔係可以留翻個肚黎試晒啲和牛就得。
張貼
