千上日本料理 (已結業)

琴晚同朋友去呢間粵海酒店既1樓日本料理度食飯真係唔上網睇都唔知呢度有間日本嘢相信食客多數都係住呢間酒店既旅客環境唔錯 好大 坐得舒服雖然店員好多都係國語人 但服務真係唔錯.2個人食到好飽大約1人$350刺身叫左三文魚 北寄貝 甜蝦 鮮帶子甜蝦同三文魚較出色 甜蝦大隻 鮮甜三文魚厚身 魚味香.另外叫左醬油炒飯 茶碗蒸係推薦既2款 雖然醬油炒飯唔係好多料但炒得幾好食 好香茶碗蒸個蛋超滑 朋友話應該係加左高湯黎蒸.小食叫左枝豆 炸河蝦 同迷你甘茨 燒日本有機豆腐枝豆份量好多 建議2-3人share 加左鹽少少咸好開胃迷你甘茨即係我地平時講既迷你蕃薯🍠細得黎都幾飽滿有機豆腐有啲似魚蛋加豆腐既質感會比較實啲 又不失豆腐清香氣點wasabi食效果不錯。