一汁一菜 (創紀之城五期(apm)) (已結業)

APM多咗間日系外賣店。菜式以湯同日式咖喱為主，一份咖喱飯加一個湯賣緊$98。亦有其他小菜可供選擇。.咖喱飯嘅選擇唔多，只有「和風番茄🍅雞肉咖哩飯」同「濃香牛肉野菌咖哩飯 」。..前者酸味較重，開胃清新，後者雖然都有蕃茄，但以鹹味為主，味濃醒神。兩者味道都十分濃郁，食材嘅選擇亦都相當好。.和風番茄雞肉咖哩用上雞腿肉，雖然幾大塊但尚算嫩滑。.濃香牛肉野菌咖哩飯則用咗牛肋肉。肉類煮滿醬汁，與咖喱融為一體。.咖喱汁嘅份量頗多，兩個咖喱嘅份量大概足夠三個人食。.一汁一菜和牛羅宋湯味道酸甜濃郁，裏面有唔少切粒嘅和牛，仲有大量蔬菜。整體味道好開胃😋。