CoCo壹番屋 (希慎廣場)

營業中

休息中

Coco剛剛來香港開業嘅時候好多人排隊，當時都食過一次，之後就好耐冇食過喇。黎到希慎food Court發覺好難搵位，反而food court入面嘅coco唔洗等位，所以快快趣趣入去食喇。炒蛋炸忌廉餅咖喱飯，選了不辣同小飯。炸忌廉餅一直都係我至愛，雖然冇忌廉薯餅或者忌廉蟹肉餅咁有口感，不過都可以止下癮先。原來依家仲多咗支果蜜醬，初頭見到樽身寫住"甜加咖喱的辣"，以為係甜辣嘅調味醬，倒出嚟先知原來係蜜糖，可以加落咖喱飯都食。我就加左少少試吓，唔可以話唔夾，但因為都幾甜，所以如果成碟飯都落蜜糖黎食嘅話，應該會食唔落。