千房 (已結業)

聽朋友講最近開左間由日本店就帶埋我去試試。餐牌入面都幾多款大阪燒既選擇，得一款可以自己親手整，其他都係由店內整好後放係爐盤上碟。除左大阪燒外仲有其他食品選擇同朋友點左2份主食同一款小食share。日式雜錦炒麵無很DIY，店員將炒麵直接放上鐵板上，炒麵麵質都幾爽彈，醬汁帶少少酸甜十分開胃濕潤唔會過乾，內裏仲有蝦仁，豚肉同大量椰菜十分足料。豚肉燒自己一手一腳包辦，先預備好既材料攪好後煎中，除左有一張步驟指引圖外店員都會經常過黎幫手，最後完成好有成功感！大阪燒外脆內軟而且好多椰菜係餅內唔會感覺太肥膩同滯，2人食share啱啱好。狂熱雞翼醃得夠味連內裏都帶咸香味，加上附送既檸檬汁減少油膩感雙隻飽滿，不錯。整體價錢幾合理而且店員好樂意幫忙教整大阪燒。