廿八食堂

營業中

休息中

天色勁差又落狗屎, 所以lunch都係簡番D近近地office既餐廳算…呢間餐廳平時食飯就成日經過, 今日經過見有位, 2丁友人少少就入去試下…餐廳主打係日式定食自選套餐, 前菜任選兩款、主菜任選一款、主食可以簡飯或沙律、飲品要另外加錢叫, 不過佢都有免費熱茶提供，豐儉由人…思考左一陣，我簡左以下配搭，菜式等左一陣都好快上到，賣相非常好~前菜：佃煮芝麻昆布絲、日式南瓜煮主菜：柚子野菜雞卷主食：柚子醋和風沙律柚子野菜雞卷有4大舊、中間夾左D紅蘿蔔、白蘿蔔等的蔬菜，雞卷似係雞腿肉，柚子汁酸酸甜甜幾好食! 雞肉都算嫩滑有汁。沙律都係用柚子醋, 不過略嫌少少酸，但可以接受的。叫飯的話可以加錢叫其他有topping既飯，e.g.明太子拌飯。前菜就細細碟, 叫做試下味咁, 佃煮芝麻昆布絲如果爽D就好, 日式南瓜煮都ok炆得幾淋夠甜。