青森料理 (已搬遷) 新店位置

其實一年前已經想寫呢間，不過寫到一半因為太耐冇郁所以自動刪除左，咁啱今日中午諗唔到食咩，就去左青森回味下，menu仍然係一年前既精選午餐，價錢都好似差唔多，拉麵同飯既定食有好多選擇，一家人去食就每人叫左一個定食。滑蛋雞扒飯，基本上滑蛋做得都算尚可，蛋冇過老變粗糙，要係適當時機落蛋汁與雞扒同煎，火候掌握要控制得好，雞扒冇醃過頭，蓋過醬汁既味道，料亦有落足，冬菇、洋蔥等等，唯一要挑剔既係唔夠汁，汁既份量可以話係得五分之一，只係夠淋係面頭而冇汁落去啲飯入面，呢樣真係要改善下，冇汁將蛋同配料同飯拌勻真係差好遠，但整體衍講算係可以接受。另外跟餐有野飲，我叫左凍桃紅茶，同埋有送三片三文魚刺身同一個蟹籽沙律，桃茶甜左少少，不過跟餐算係幾唔錯，三文魚幾新鮮，冇雪味同怪味，厚度亦適中，Good!蟹籽沙律就普通。雜錦天婦羅飯&炸軟殼蟹拉麵，天婦羅炸得好參差，有啲沾粉太厚，咬落成口粉；有啲沾得唔夠，上唔到脆皮，配飯黎講真係唔推介，雖然有天婦羅汁，但主角只有兩隻蝦，而且炸得唔好，基本上係好唔抵食既一個餐，其他跟餐配菜一樣。炸軟殼蟹拉麵就冇試，但細佬話原隻蟹好足料，炸得好香脆，配拉麵一流!佢大推!吞拿魚手卷&炸