深宵食堂 (已結業)

同老公行完街，佢話呢幢大廈有間日式居酒屋，所以就帶我上黎呢度食晚飯。門面同內裡都係以日式木系裝修，環境乾淨。坐低左望上用見到好多日本卡通經典擺設，真係好有日本居酒居feel。餐牌選擇種類都ok，老公發辦叫左幾款。雞泡魚乾：燒過暖暖地，甜甜鹹鹹，配埋旁邊沙律醬夠滋味，老公至愛。吉烈廣島蠔：即叫即炸，入口熱辣辣，外皮古烈鬆脆，滲出蠔汁，一d唔乾，好味。一口和牛串：一口一粒容易食，食落一d都唔韌，牛味濃，帶肉汁，唔錯喎。黑松露炒烏冬：第一啖入口已經覺得好好食，烏冬煙韌，用燒汁炒得好夠味道，黑松露味道濃，連d菇都好入味，值得推介👍鵝肝什菌石鍋飯：鵝肝係重點，夠大塊，一d都唔失禮，入口帶薄薄油脂，什菌同飯有少少汁，整體幾好食。用埋石鍋上，食到尾都仲係熱，呢個要加分。