碗盛 (已結業)

疫情停左堂食晚市好耐，開返之後想約朋友坐低慢慢傾計吹水，佢就介紹去天后碗盛，居酒屋既裝修，環境非常舒適，好似置身喺日本既感覺。麻辣果仁沙律先嚟個沙律開下胃先，通常都係酸酸甜甜，辣味既沙律都係第一次食，出奇地又好夾。吉列串揚拼盤熱辣辣脆卜卜，粉漿非常薄，外脆內軟，我就最鍾意食紫薯，炸得唔乾身，食完好想嚟多round。肥牛壽喜燒鍋物材料豐富，勁多蔬菜，味道濃厚唔油膩。日式冷烏冬醬汁酸味醒胃，食哂都唔覺飽滯。