濱松町日本料理

營業中

休息中

餐廳主要係港人主理，創辦人跟隨日本師傅學藝多年，位置不顯眼，但野食有驚喜。先試左刺身壽司類，刺身揀咗日本直送深海池魚薄切刺身，肉質細緻爽口，味道香甜，魚片透明色澤潤，沾上少許酸酸地特製醬汁；壽司揀左上壽司拼盤（10件），壽司飯落咗赤醋，所以呈茶色，非常特別。另外推介嘅係雜錦天婦羅盛合，即叫即炸，要等得耐少少，炸粉薄，唔會炸得太乾，熱辣辣好好食。熱食方面，蟹膏蟹肉炒飯好值得叫，一上枱已經聞到好香，碎蟹肉嘅份量好多，每一啖都會食到蟹肉嘅鮮味，飯粒粒粒分明，仲有少少蟹籽粒，錦上添花。