令酒場 (已結業)

位於中環閣麟街日式居酒屋，比人一種舒適高格調用餐感覺，性價比仲非常高。白子除左餐牌上既菜式，店員都有介紹一啲時令食品，今次就試左白子，口感綿滑，酸汁帶出白子鮮味，口味無窮。令海之幸太卷 吞拿魚蓉卷物，材料好豐富，一啖係食唔哂。大葱雞肉串 雞肉嫩滑，加上大蔥既甜味，食落都唔覺得油膩。味噌燒蠔 醬汁香濃，帶有蟹膏香味，蠔肉飽滿，熱辣辣好好食。蟹甲羅燒 蟹肉澎湃，啖啖蟹肉簡直係幸福既感覺。菠蘿 燒菠蘿本身都已經能夠帶出菠蘿既鮮甜，加上焦糖，層次更加豐富。忌廉蟹肉薯餅滿滿忌廉非常邪惡，但加上蟹肉既薯餅又點樣可以抗拒。牛稻庭烏冬牛肉嫩滑高質，肉味濃厚，作為主食一流。