形 (大涌橋路)

營業中

休息中

沙田圍其實是個很特別的地區，雖然附近有很多私人屋苑，但是卻無大型商場。剛剛今日去到附近工作，收工時見到這間「形」，見到佢個名仲有日文拼音，心諗唔通係間居酒屋？入到裡面啲裝修都幾有格調，尤其係個吧枱位，木做既頂層好有日式建築感覺。 因為個日唔可以飲酒，所以點左個mocktail，但幾好喎，個杯仲要係鑽石形，好特別呀。講返食物，今日試咗好幾個串燒，很夠份量而且烤得剛剛好。尤其是這裏的肉類，好像羊肉、雞肉串、以及豬頸肉，調味用上大量孜然粉，用來送酒應該是一流。最令我印象深刻嘅係燒生蠔，用上大量牛油及蒜頭而且size大及多汁，食起上嚟口感非常好。最後要講一講個場地，店舖內有大電視、波枱、以及飛鏢機，幾個朋友可以一邊飲酒一邊玩吓遊戲。