影片
更多
2025-02-18
0 瀏覽
一汁一菜 ICHIJUISSAI📍金鐘皇后大道東1號太古廣場三座B3樓6號舖朋友返工時不時要OT，如果時間許可，一般都會自己出去金鐘，甚至去灣仔買外賣。但呢個星期佢實在太忙，都無食過一餐proper嘅晚餐，於是我決定呢日放工買個健康啲、營養豐富啲嘅外賣幫佢打打氣。「一汁一菜」其實係一種日本飲食哲學，代表一餐有飯麵主食配湯品，伴以前菜或小菜。餐廳以呢個日式概念於香港設店，為唔少「打工仔」、「無飯煮婦/夫」提供兩餸、快餐以外嘅一個優質選擇。位於金鐘太古廣場嘅呢間一汁一菜只售外賣，放工時間去，較受歡迎嘅菜品早已售罄，可見其人氣高企。餐廳只有一個menu，主打6款不同組合嘅定食，價錢有平有貴，自由度高。 💰$69起ST20 咖哩定食 🍛四款咖哩包括豚肉蔬菜、牛肉同兩款雞肉，檸檬忌廉雞肉看似最為特別，所以二話不說就揀好。主食一般都會default配白飯，如果想食得特別啲，可考慮轉石窩麵包、烏冬，或者其他有味飯。レモンクリームチキンカレー 🍋日式咖哩本來就係偏甜帶微辛，味道比較mild，加入忌廉同檸檬後，甜咖哩再多咗些少酸甜，亦唔似一般日式咖哩咁濃稠，質感介乎湯咖哩同港式咖哩之間，味道醒胃又下飯。
📍金鐘皇后大道東1號太古廣場三座B3樓6號舖
朋友返工時不時要OT，如果時間許可，一般都會自己出去金鐘，甚至去灣仔買外賣。但呢個星期佢實在太忙，都無食過一餐proper嘅晚餐，於是我決定呢日放工買個健康啲、營養豐富啲嘅外賣幫佢打打氣。
「一汁一菜」其實係一種日本飲食哲學，代表一餐有飯麵主食配湯品，伴以前菜或小菜。餐廳以呢個日式概念於香港設店，為唔少「打工仔」、「無飯煮婦/夫」提供兩餸、快餐以外嘅一個優質選擇。
位於金鐘太古廣場嘅呢間一汁一菜只售外賣，放工時間去，較受歡迎嘅菜品早已售罄，可見其人氣高企。餐廳只有一個menu，主打6款不同組合嘅定食，價錢有平有貴，自由度高。
[價錢 Price]
💰$69起
ST20 咖哩定食 🍛
四款咖哩包括豚肉蔬菜、牛肉同兩款雞肉，檸檬忌廉雞肉看似最為特別，所以二話不說就揀好。主食一般都會default配白飯，如果想食得特別啲，可考慮轉石窩麵包、烏冬，或者其他有味飯。
レモンクリームチキンカレー 🍋
日式咖哩本來就係偏甜帶微辛，味道比較mild，加入忌廉同檸檬後，甜咖哩再多咗些少酸甜，亦唔似一般日式咖哩咁濃稠，質感介乎湯咖哩同港式咖哩之間，味道醒胃又下飯。
食日式咖哩，當然要配一碗粟米湯先有食和洋料理feel，所以揀咗人氣嘅甜粟雞肉豆乳濃湯。
北海道産コーンと鶏肉の豆乳ポタージュ 🌽
話明係Pottage，一定要夠濃夠有鮮蔬味！粟米味道清甜，加入豆乳令口感變得更順滑，雞肉嫩口，仲有西蘭花加添色彩，冬天飲勁暖胃。
[價錢 Price]
💰$75起
ST23 和風定食 🍱
貴啲啲嘅和風定食可以選擇一款和洋風主菜，仲包一款小菜，個人覺得性價比更高！主菜揀咗野菌味噌豆乳雞扒，小菜就係日本人至愛嘅家常菜馬鈴薯豚肉煮，而湯品就係店員推介嘅期間限定沖繩風豚肉水雲濃湯。
チキンステーキの味噌豆乳クリームソース 🥩
雜菌用味噌醬同豆乳炒香後，淋滿微微煎香嘅雞扒，伴雜菜裝盒，雖然係外賣，但誠意滿滿。雞扒調味適中，味噌豆乳醬比一般白汁輕盈，整過清新無油膩感，推！
馬鈴薯豚肉煮 🍲
軟糯嘅薯仔、半肥瘦嘅豚肉片、清甜嘅甘筍，全部都煮得好入味，醬油味香甜，芋絲非常索汁，配白飯一流！
もずくの沖縄風豚汁 🥣
沖繩水雲出名護胃、助消炎，對身體百利而無一害，果然十分健康有營。伴以豚肉片、雜蔬、雜菌、豆類製品同淡麵豉一齊煮湯，熱辣辣飲非常舒服養胃。
張貼
